Siglir tar il cuntegn

Header

In camiun entra en il tunnel dal Gottard datiers d’Airolo.
Legenda: In camiun entra en il tunnel dal Gottard datiers d’Airolo. Keystone
cuntegn

Svizra Damain traffic da camiuns tras las Alps

Il 2018 è il dumber da camiuns che han traversà las Alps svizras, sa reducì per 1,4% sin anc 941’000 viadis. Sur il San Bernardino è la reducziun anc pli ferma, cun in minus da 4,3%.

Entant ha la viafier augmentà il 2018 sia cumpart dal traffic da rauba tras las Alps Svizras. Sia cumpart dal martgà haja muntà 70,5%, scriva l’Uffizi federal da traffic. Uschia hajan las mesiras da spustar il traffic da rauba da la via sin ils binaris in effect.

Rapport la fin da l'onn

La finamira da 650’000 viadis da camiuns fixada en la lescha, n’haja la Svizra dentant betg cuntanschì, agiunta l’Uffizi da traffic. Il Cussegl federal vegnia ad explitgar en ses rapport davart il spustament, co rinforzar anc pli fitg la politica per transportar anc dapli rauba sin ils binaris. Quest rapport duai esser pront sin la fin da l'onn.

Pli ruassaivel al San Bernardino

Il 2018 hai dà tras il tunnel dal San Bernardino 144'000 viadis da camiuns, sco las cifras da l'Uffizi federal da traffic mussan. Quai è in minus da 4,3% cumpareglià cun il 2017.

Viadis da camiuns tras las Alps svizras 2017 e 2018

20172018Svilup
Svizra total
954'000
941'000
-1.4%
Gottard698'000677'000-2.9%
San Bernardino
150'000144'000-4.3%
Simplon81'00086'000+7.0%
Grond Son Bernard
26'00034'000+32.3%

RR novitads 11:00

Artitgels legids il pli savens