Siglir tar il cuntegn

Header

cuntegn

Svizra Damain unfrendas entras lavinas

Quest enviern èn mortas damain persunas entras lavinas en las Alps Svizras. Cumpareglià cun la media dals onns passads ha i dà almain 6 unfrendas damain.

Enfin la dumengia da Pasca èn mortas quest onn 13 persunas entras lavinas en Svizra. 2 persunas èn sa disgraziadas en ina lavina sur ils dis da Pasca. Ils accidents èn capitads en la Surselva Bernaisa ed en il Vallais.

Pli pauc ch'en media

Tut en tut ha i dà pli paucs morts entras lavinas che la media dals onns passads, communitgescha l'institut da naiv e lavinas a Tavau SLF. Sch’ins prendia mintgamai la dumengia da Pasca sco punct fix alura saja la media tar 19 unfrendas da lavinas scriva l’institut da Tavau.

La media a lunga vista muntia a 25 persunas ad onn. Las differenzas tranter ils onns saja savens d’attribuir a singuls accidents da lavinas cun plirs morts, scriva l’SLF a Tavau.

RR novitads 12:00

Artitgels legids il pli savens