Siglir tar il cuntegn

Svizra Damain verdura svizra pervia da la plievgia

Quest onn datti damain verdura svizra che uschiglio. La raschun è ch'igl ha pluvì memia bler la primavaira e a l'entschatta da la stad.

Lavurers d'in puresser èn vi da racoltar zuchettis sin in champ inundà.
Legenda: Lavurers d'in puresser èn vi da racoltar zuchinis sin in champ inundà. archiv/Keystone

Pervia da la plievgia eran ils champs per part sut aua uschia che la racolta n’era er betg buna ubain ch'ils purs n'han betg pudì plantar novs legums. Tenor l'associaziun dals producents da verdura svizzers èn surtut la salata da chau, zuchettis e broccoli stads pertutgads.

Stuì importar dapli

Quai ha gì per consequenza che la Svizra ha era stuì importar dapli verdura or da l'ester. En ils emprims 5 mais da quest onn èn quai stads 20% dapli cumpareglià cun l'onn avant.

RR novitads 16:00