Siglir tar il cuntegn

Header

munaida e notas.
Legenda: Tenor la Banca naziunala svizra dovran damain persunas daners bluts e pajan enstagl cun carta u cun apps. Keystone
cuntegn

Svizra Daners bluts perdan muntada

En Svizra perdan daners bluts adina pli fitg lur muntada. Aifer ils ultims trais onns è il diever da daners bluts sco med da pajar sa reducì marcantamain.

L'onn 2020 èn anc 43% da las cumissiuns vegnidas pajadas cun notas e munaida. Il 2017 eran quai anc 70%. Quai resulta d'ina evaluaziun che la Banca naziunala Svizra ha publitgà. Ils resultats da l'enquista mussian bain ch'ils daners bluts restan vinavant il med il pli popular da pajar. Cartas da credit e debit sco er applicaziuns da pajar creschian dentant ferm, er pervi da la pandemia.

Da las 2'100 persunas dumandadas han 97% inditgà da duvrar daners bluts per expensas quotidianas. Suenter suondan cartas da debit, che 92% da las persunas dumandadas possedan. 78% han inditgà d'avair ina carta da credit.

RTR novitads 09:00

Artitgels legids il pli savens

Scrollar a sanestra Scrollar a dretga