La gronda part da las 20 milliardas francs ord la cassa da pensiun, la segunda pitga, vegn pajada ora en Svizra als umens. Las dunnas survegnan mo 22% da la cumpart da rentas annualas. A quella conclusiun vegn in studi ch'è vegnì fatg sin incumbensa da la banca Migros.
La renta che vegn pajada ora dependa da l'autezza dals pajaments ch'èn vegnids fatgs durant la vita professiunala, almain la mesadad da quest daners deriva dal patrun. La cumpart pli pitschna che va a las dunnas saja era in spievel da la quota d'activitad da gudogn sco era la paja media pli bassa da las dunnas, ha ditg il manader dal studi Albert Steck. Quest foss sa serria, dentant mo plaun.
