Siglir tar il cuntegn

Header

cuntegn

Daners sfalsifitgads Uschè paucs sco anc mai

Anc mai èn vegnidas falsifitgadas usché paucas bancnotas en Svizra sco l'onn passà. La raschun saja l'auta qualitad da las bancnotas ha communitgà l'uffizi federal da polizia. Grazia ad apparats da pajar moderns chattan ins era adina dapli tschincuns sfalsifitgads.

Il pli savens vegn falsifitgada la bancnota da 1'000.-. L'onn 2000 èn stadas en circulaziun dapli che 17'600 bancnotas da 1'000.- falsifitgadas. L'onn passà anc radund 80. Quai è ina reducziun da stgars 99.5% sco la nova statistica da daners fauss mussa.

Regress general marcant

Dentant betg be bancnotas da 1'000.- sfalsifitgadas datti adina pli pauc en Svizra, mabain er tar las ulteriuras bancnotas è il dumber sa reducì cuntinuadamain ils ultims onns. L'onn 2018 han ins anc chattà 1200 exemplars en Svizra cun ina valita nominala da 208'140.-.

Il 2001 era la valita da las bancnotas sfalsifitgadas anc tar 65 milliuns francs. Il 2003 era quai anc 18 milliuns francs ed il 2013 be pli in mez milliun.

Ord l'Archiv:

RR novitads 11:00