Il minister da finanzas Ueli Maurer ha discurrì avant las medias d'ina occupaziun excellenta. Stoffel enconuschia a fund il SIF. Ella cumenza l'emprim da mars ses nov post.
Stoffel sez ha ditg che rinforzar la plazza da finanzas e da represchentar ils interess da la Svizra en l'exteriur, hajan prioritad per ella. La Svizra na possia betg pretender l'access al martgà sch'ella na possedia betg in'excellenta regulaziun.
Nus stuain avair l'ureglia giun plaun per pudair vesair, tge che vegn.
Daniela Stoffel è naschida il 1968. Il 1992 ha ella terminà ses studi da filosofia, economia publica e scienza da lingua tudestga. Dapi il 1998 lavura Stoffel per il servetsch diplomatic svizzer.
RR novitads 15:00