Siglir tar il cuntegn

Header

cuntegn

Svizra Danovamain perdita per Alpiq

Il concern d’energia svizzer Alpiq scriva vinavant cifras cotschnas. Il 2018 ha Alpiq fatg ina perdita da 260 milliuns francs. La svieuta munta a 5,2 milliardas francs. Sco raschun per la perdita numna Alpiq tranter auter ils pretschs d’energia che sajan stads sut ils custs da producziun.

Pervi dal resultat ston ils acziunaris er quest onn desister d’ina dividenda.

A partir dal 2020 quinta Alpiq cun ina midada da trend.

Suenter ch'il concern d'energia ha vendì sia sparta d'industria e suenter ch'el è returnà a la fatschenta tradiziunala, la producziun d'energia, è per Alpiq dumagnà il «turnaround». Cun vender la sparta d'industria ha Alpiq vulì reducir ils daivets. L'indebitament brut è sa sminuì il 2018 per radund 600 milliuns francs sin 1,5 milliardas francs.

RR novitads 09:00

Artitgels legids il pli savens