Siglir tar il cuntegn

Header

purtret dal stadion ed in lavurer lien.
Legenda: In lavurer en in dals otg stadions che vegnan construids en il Katar per il campiunadi mundial da ballape. Keystone
cuntegn

Dapi il 2010 6'500 lavurers esters morts en il Katar

Dapi ch'igl è vegnì surdà il campiunadi mundial da ballape dal 2022 a Katar, èn gia morts passa 6'500 lavurers esters. Quai mussa in'evaluaziun da la gasetta britannica «The Guardian». Tenor quella moran uschia mintga di almain 12 lavurers esters. Il pli savens sa tracti da lavurers da l'India, dal Pakistan, da Nepal, Bangladesch e Sri Lanka.

Ils morts n'èn betg categorisads tenor plazza da lavur, l'organisaziun per dretgs umans Fair-Square Projects, parta però dal fatg che blers hajan lavurà vi da bajetgs per il campiunadi mundial. Millis da lavurers esters sajan be perquai en il pajais.

La regenza dal Katar da sia vart ha ditg, ch'il dumber dals morts stoppia vegnir vesì en relaziun tar il pli grond dumber dals lavurers en il pajais.

Situaziun meglra ma anc adina manglusa

Il Katar è adina puspè vegnì crititgà pervi da l'explotaziun da lavurers esters. La regenza declera dentant ch'i hajan ils ultims onns adina puspè meglierà al situaziun cun refurmas. Er activists per ils dretgs umans concedan che la situaziun saja sa meglierada, averteschan dentant er che las refuras vegnian realisadas a moda inconsequenta.

audio
Per tadlar: las novitads da las 17:00
04:51 min, RTR Audio dals 23.02.2021.
laschar ir. Durada: 04:51 minutas.

RTR novitads 17:00

Artitgels legids il pli savens

Scrollar a sanestra Scrollar a dretga