Dapli agroturissem en Svizra

Il turissem sin bains purils attira vinavant blera glieud. Quai ha communitgà l’uniun Agroturissem Svizra a chaschun da sia radunanza generala.

Uffants giaischan sin strom e guardan ina carta geografica. Bild in Lightbox öffnen.

Legenda da maletgs: Dapli agroturissem en Svizra. Keystone

L’onn 2016 ha l’uniun Agroturissem Svizra dumbrà 31’500 pernottaziuns. Quai èn 1,5% dapli che l’onn avant. Ils pli blers giasts èn da la Svizra - numnadamain 86 pertschient. Da la Germania derivan ver 10% dals giasts.

Radund 300 bains purils en Svizra porschan agroturissem, 25 d’els sa chattan en Grischun. Durmir en il strom, trekkings cun lamas u vendita directa dals products sin la puraria èn mo intgins exempels da lur purschidas.