Siglir tar il cuntegn

Header

Bova da la vart occidentala dal Piz Cambrena, 3'270 meters sur mar, fotografà ils 27 da fanadur 2015.
Legenda: Bova da la vart occidentala dal Piz Cambrena, 3'270 meters sur mar, fotografà ils 27 da fanadur 2015. SLF/REGA, D. Hunziker
cuntegn

Svizra Dapli bovas pervi da chaliras da la stad passada

La stad passada è stada chauda, ed en quest temp è dapli grippa crudada a val en las Alps svizras che durant ina stad ordinaria.

La grippa saja cunzunt crudada a val en las regiuns sur 2'500 meters sur mar en las regiuns da schelira permanenta, sco l'Institut federal per la perscrutaziun da naiv e lavinas SLF a Tavau scriva.

Naginas bovas sur 100'000 m3

La dimensiun da la grippa crudada varieschia da plirs 100 fin plirs 10’000 meters cubic. Tenor l’institut èn las bleras bovas succedidas a la surfatscha da la grippa, nua che la rasada da sdregliada sa chatta.

Consequenzas da chalira per schelira permanenta èn nuncleras

Durant la stad passada era la temperatura da l’aria per 2,5°C pli auta ch’en la media tranter 1981 fin 2010. Latiers sa chattava il cunfin da null grads durant radund 6 mais sur 4’000 meters sur mar. Co la stad passada cun sias chaliras influenzescha la schelira permanenta n'è tenor l'institut anc betg da dir.

RR novitads 12:00

Dapli da Svizraavrir la Landingpage

Nach links scrollen Nach rechts scrollen