Dapli camiuns pervi da l'interrupziun da Rastatt

L'interrupziun dals binaris a Rastatt en la Germania chaschuna dapli camiuns sin las vias en Svizra.

Camiuns avant il tunnel dal Gottard. Bild in Lightbox öffnen.

Legenda da maletgs: Bunamain 4'500 camiuns supplementars èn charrads l'avust sin l'axa nord - sid. Keystone

Perquai ch’ils binaris èn sa sbassads a Rastatt en Germania e n’èn betg charrabels pli perdan las interpresas da viafier mintga di incumbensas. Quai conferman era las cifras da l’uffizi federal da vias ASTRA.

L'avust èn radund 6% fin 7% dapli camiuns charrads tras il Gottard ed il San Bernardino. Quai èn bunamain 4'500 camiuns supplementars durant il mais avust, quai munta 150 camiuns dapli per di. L'interrupziun dal traffic da rauba en il sid da la Germania ha pia consequenzas per la via – almain a curta vista. Da quai pateschan las interpresas da viafier sco era la protecziun da las Alps.

Ils 2 d'october duain las rodaglias a Rastatt en la Germania puspè esser pinadas e charrablas sin l'axa nord – sid. Quai han dacurt communitgà las Viafiers federalas svizras VFF e las Viafiers tudestgas DB.

Cifras dad Astra en cumaregliaziun

Traffic da rauba
avust 2016
avust 2017
differenza en %
Dumber camiuns al Gottard
54‘31757‘704+ 6 %
Dumber camiuns al San Bernardino
14‘04715‘092+ 7 %

Malgrà las calculaziuns dad Astra èn las dimensiuns intschertas. E quants transports ch'èn ids a perder pervia da la panna a Rastatt a la via n'è era betg enconuschent.

RR novitads 09:00