Dapi il zercladur èn almain 12 persunas vegnidas infectadas dal medem tip da listeriosa, quai saja in augment insolit. Quai scriva l'Uffizi federal da sanadad BAG.
Tenor examinaziuns dal BAG derivian quellas bacterias probabel da la medema funtauna da nutriment. Quella vegnia uss tschertgada. Enfin uss sajan 12 persunas pertutgadas da las infecziuns. Quellas derivian dals chantuns Argovia, Neuschatel, Sviz, Tessin, Vallais e Turitg.
Listeriosa
Avrir la boxSerrar la box
La listeriosa è ina malsogna infectusa rara ch’ina bacteria chaschuna. Tenor il BAG vegn ella savens dada vinavant tras mangiativas contaminadas sco chaschiel, charn criva u salata gia tagliada.
