Legenda:
L'onn passà hai dà radund 10'000 accidents en ils servetschs militars, da la protecziun civila e servetsch civil. (maletg simbolic)
Keystone
cuntegn
Svizra - Dapli cas e pli chars cas singuls
L'assicuranza militara ha l'onn passà impundì 194 milliuns fr. per prestaziuns d'assicuranza. Quai èn 5 milliuns fr. dapli che l'onn avant. D'attribuir saja quest svilup a pli blers cas e cas singuls che sajan stads fitg chars. Quai communitgescha la SUVA.
Uschia èn vegnids numnads ils radund 100 schuldads ch'èn vegnids tissientads il 1940 entras ieli per sfradentar las buis d'assagl. L'ieli è vegnì scumbiglià cun ieli da cuschinar. La tissientada ha chaschunà donns vid la gnerva. Dal 1940 fin il 2015 ha l'assicuranza militara pajà en total 46,1 milliuns francs als «schuldads d'ieli».
Per l'emprima giada en l'istorgia da 75 onns assicuranza militara n'han nagins «schuldads d'ieli» pli survegnì daners. L'ultima persuna pertutgada è morta l'onn 2014.
Er sajan ils custs da guariziun s'augmentads. Il 2015 ha l'assicuranza militara pajà per bunamain 30'000 cas da malsogna e bun 10'000 accidents da ses assicurads. Quai èn circa medem blers cas sco il 2014.
Er sa sminuids èn ils custs da rentas. L'onn passà ha l'assicuranza militara anc pajà ora 94 milliuns francs. La summa sa sminuescha perquai ch'i dat er adina damain persunas che pon retrair ina renta. Per l'emprima giada èn las expensas per las rentas pli bassas che las expenas per prestaziuns.
