Siglir tar il cuntegn

Header

cuntegn

Svizra Dapli cas socials en citads mesaunas

En las citads mesaunas crescha il 2015 il dumber dals cas d'agid social. Cunzunt las citads mesaunas nodan in augment – in dals motivs per quest svilup è l'offerta d'abitaziuns. En in nov studi èn 14 citads svizras vegnidas cumparegliadas.

Il 2015 han las 14 citads svizras cumparegliadas nudà ensemen in augment da 2,2% dapli cas socials en cumparegliaziun cun l’onn avant. Quai resorta dal rapport da l’iniziativa da las citads per la politica sociala. Tenor quest rapport nodan las tschintg grondas citads en Svizra nagin augment ni schizunt damain cas socials (Losanna e Berna). En las citads pitschnas e mesaunas è quai però auter, qua s’augmenta il dumber. Uschia è en la citad da Cuira il dumber s’augmentà per 0,3% en cumparegliaziun cun l’onn avant.

audio
Saira: Dapli cas socials a Cuira
ord Actualitad dals 23.08.2016.
laschar ir. Durada: 2 minutas 12 Secundas.

Abitaziuns pajablas

Il svilup saja ina consequenza che las grondas citads hajan in grond martgà da lavur cun blers emploiads ma paucas libras abitaziuns favuraivlas. En las aglomeraziuns e las citads mesaunas saja la relaziun gist il cuntrari, scrivan ils experts.

Vegliadetgna e scolaziun decisiv

Plirs facturs influenzeschan il ristg da stuair retrair agid social. Uschia è la cumpart da persunas veglias (46 e 65 onns) che retiran agid social s’augmentà en general. Ed era la scolaziun è d’impurtanza, uschia n’han tranter 45 e 60% da las persunas creschidas che retiran agid social nagina scolaziun professiunala.

RR novitads 10:00

Artitgels legids il pli savens