Svizra - Dapli cas urgents ed accidents mortals en las muntognas
Il dumber da morts en las muntognas è creschì per bunamain 50% cumpareglià cun la medema perioda da l'onn passà. Fin la fin settember èn 136 persunas sa disgraziadas. Quai mussa la statistica dal Club alpin Svizzer.
En tut èn 2'753 persunas vegnidas en ina situaziun d'urgenza en las alps svizras. Quai èn prest 20% dapli che l'onn avant.
Il dumber aut d'unfrendas è da motivar cun l'enviern da blera naiv e la bella e chauda stad. Quels facturs han carmalà dapli glieud en la muntogna, sco ch'era cifras dad onns cumparegliabels mussan.