La gronda part dal chaschiel svizzer, radund 80%, che va en l’export va en l’Uniun europeica. En l’Europa è l’appetit sin chaschiel svizzer creschi l’emprima mesadad da l’onn per quasi 5%. En ils pajas betg europeics èn ils exports da chaschiel svizzer creschids per dapli che 14%, communitgescha la branscha da chaschiel svizzer.
Signal positiv per l’entira branscha da latg svizra
L’export da chaschiel è impurtant per ils producents da latg en Svizra. Radund 40% dal latg producì en Svizra vegn elavurà a chaschiel e da quel vegn alura radund 40% exportà.
Ma era ils imports da chaschiel en Svizra creschan
En l’emprim quartal da l’onn èn vegnids importads dapli chaschiel da l’exteriur e quai per 3,2% sin radund 31’500 tonnas. La gronda part dal chaschiel ord l’exteriur vegn da l’Italia suandà da la Frantscha.
RR novitads 15:00