Cun il nov design veglian ins tegnair quint meglier a las disas da leger. Comités da referendum e d’iniziativas survegnan en l’avegnir tuttina bler plaz per lur arguments sco il Cussegl federal.
Punct central da la nova broschura è tenor la Chanzlia federala la pagina dubla «en curt». Quella cuntegn tut las infurmaziuns per lecturas e lecturs ch’han prescha.
Legenda:
Da nov datti per mintga project da votaziun ina pagina dubla cun las infurmaziuns a moda concisa.
Adrian Camartin
Dal cudeschet cun las explicaziuns dal Cussegl federal vegnan mintgamai squitschai da quai da 5,4 milliuns exemplars. Cun quai tutga il cudeschet cotschen tar las pli grondas publicaziuns da la Svizra. Tenor diversas analisas dovran almain 80 pertschient da tut las persunas che van a l'urna il cudeschet per emplenir il cedel da votaziun.
RR novitads 12:00