Legenda:
La Germania vul dapli controllas al cunfin svizzer
Keystone
cuntegn
Svizra - Dapli controlla als cunfins svizzers
Cun daplir guardias da cunfin vul la Germania rinforzar las controllas al cunfin cun la Svizra. Cun quella mesira spera il pajais vischin da pudair franar immigrants illegals che vegnan da l’Italia.
Il dumber da fugitivs illegals ch’èn viagiads illegalmain tras la Svizra en Germania è s’augmentà il fanadur. Tenor Thomas de Maizière il minister da l’intern da la Germania è s’augmentada quella cifra durant il mais fanadur sin passa 800 persunas. Ils emprims 19 dis da l'avust sajan quai stads passa 500 fugitivs. Quai è per bainquant dapli sco avant in onn. Malgrà quai na sajan quellas cifras anc betg preoccupantas, uschia de Maizière.
