Passa la mesadad da las fatschentas da coiffeur han cuntrafatg l'onn passà a las prescripziuns dal contract da lavur collectiv. Ord quest motiv vulan ils partenaris socials intensivar las controllas en la branscha.
Il 2018 èn radund 200 controllas vegnidas manadas atras en differentas fatschentas. Sco Coiffeursuisse, l'uniun tetgala dals coiffeurs, ha communitgà hajan ins chattà en 55% dals manaschis cuntravenziuns al contract da lavur collectiv. Sper las 200 controllas ordinarias duai dar quest onn 250 controllas supplementaras senza preannunzia.
RR novitads 12:00