Siglir tar il cuntegn
Inhalt

Svizra Dapli cumpetenzas per chantuns

Il Cussegl federal vul laschar als chantuns dapli libertad tge che pertutga la construcziun ordaifer la zona da bajegiar.

Mises cun profils sur Untervaz.
Legenda: Bajegiar mo era cumpensar, quai pretenda il Cussegl federal dals chantuns. Keystone

Uschè èsi scrit en la segunda etappa da la revisiun da la lescha federala per la planisaziun dal territori ch’il Cussegl federal ha preschentà oz. Cun quai duess mintga chantun pudair decider sez tge che capita cun stallas, aclas ni mises che sa chattan ordaifer dal zona da bajegiar e tge excepziuns ch’i duai dar.

Tenor il Cussegl federal na vegnan uschè betg schluccadas las regals – mabain flexibilisadas. Vul dir che sche insatgi vul construir ordaifer la zona da bajegiar sto quai vegnir cumpensà. Per exempel stuess lura vegnir spazzà in bajetg che na vegn betg pli duvrà.

Gia annunzià resistenza

Massa bleras cumpetenzas survegnan il chantuns crititgeschan las uniuns per la protecziun da la natira Pro Natura e BirdLife Svizra sco era la Fundaziun per la protecziun da la cuntrada la proposta dal Cussegl federal. Il boom da construir ordaifer la zona da bajegiar na possia uschia betg vegnir retegnì. Las organisaziuns han annunzià da cumbatter il midament planisà cun in’iniziativa.

RR novitads 17:00