Siglir tar il cuntegn

Header

cuntegn

Svizra Dapli cumpetenzas per persunal dal fatg en la tgira

Persunas dal fatg che lavuran en la tgira duajan survegnir en l’avegnir dapli cumpetenzas. Plinavant duajan confederaziun e chantuns sa participar pli fitg vid ils custs da scolaziun. Quai propona la cumissiun da sanadad dal Cussegl naziunal per cumbatter la mancanza da persunas da tgira.

Las midadas valan sco cuntraproposta indirecta tar l’iniziativa da tgira. Quella pretenda ina meglra finanziaziun da la tgira, dapli persunal e meglras cundiziuns da lavur per impedir problems da tgira en il futur. En avegnir duain ils chantuns pudair prescriver als ospitals ed organisaziuns da Spitex sco era a chasas da tgira quantas plazzas da scolaziun ch'els ston metter a disposiziun. Persuenter duain chantuns e Confederaziun er surpigliar ina part dals custs betg cuvrids dals custs da scolaziun ed er las pajas da las persunas en scolaziun duain vegnir meglras.

Ils custs ston anc vegnir calculads pli precis, scriva la cumissiun. La contribuziun da Confederaziun e chantuns duai dentant esser tar radund 400 milliuns francs, sur otg onns.

Dapli cumpetenzas

Persunas che lavuran en la tgira duain pudair tgirar persunas cun chaussas da la tgira fundamentala, er senta l'ordinaziun dal medi, sin custs da la segiranza da basa. Sch'ils custs creschissan a moda marcanta, duai il chantun pudair franar la chaussa ed er franar da dar ora permissiuns per nov persunal da tgira. Ils segirads na duain dentant betg pudair tscherner cun tgi ch'els vulan lavurar.

RR novitads 17:00

Artitgels legids il pli savens