Il dumber da cunfinaris en Svizra è creschì vinavant il segund quartal, dentant main ferm. Da l'avrigl fin il zercladur han lavurà en Svizra radund 308'000 cunfinaris, quai tenor las pli novas cifras da l'Uffizi federal da statistica.
Cumpareglià cun la medema perioda da l'onn passà è quai in augment da 3,3%. L'augment è dentant uschè bass sco dapi il 2009 betg pli. Spezialmain attractiva per cunfinaris è la regiun dal Lac Léman. En il Tessin è il dumber sa sminuì per la quarta giada en roda.
