Siglir tar il cuntegn

Header

Students da l'ETH da Turitg durant ina lecziun - ins vesa els da davos, lur pults èn cler-verds
Legenda: Malgrà ch'il parlament sto spragnar è el generus quai che pertutga la scolaziun. Keystone
cuntegn

Svizra Dapli daners per scolaziun e perscrutaziun - surtut per l'ETH

Per ils proxims quatter onns ha la Confederaziun previs in sustegn per scolaziun e perscrutaziun en l'autezza da 26,4 milliardas francs.

Suenter il Cussegl dals chantuns è uss er il Cussegl naziunal pront da conceder dapli daners che quai ch'il Cussegl federal aveva pretendì.
L'augment munta a 395 milliuns francs. Quels èn repartids sco suonda:

  • la sparta ETH survegn 160 milliuns dapli
  • la furmaziun professiunala 100 milliuns
  • las scolas autas e scolas autas professiunalas chantunalas 95 milliuns
  • ed ils indrizs da perscrutaziun da muntada naziunala survegnan 40 milliuns dapli.

Il Cussegl federal aveva previs var 26 milliardas francs per scolaziun e perscrutaziun. Il parlament è pli generus e vul dar bun 1,5% dapli. Il Cussegl naziunal era l'emprim anc suandà la proposta dal Cussegl federal. Cun discutar las differenzas ha el dentant dà raschun al Cussegl dals chantuns.

ETH dapli plazzas da studi per medis

Cun quest augment ha il parlament er dà glisch verda als 100 milliuns francs ch'i dovra per stgaffir ulteriuras plazzas da studi per medis. Grazia a la midada da lescha da l'ETH po la scola ultra da quai pretender dapli taxas da studi da students da l'exteriur che da students svizzers.

RR novitads 12:00

sda/sc

Artitgels legì il pli savens

Nach links scrollen Nach rechts scrollen