Siglir tar il cuntegn
cuntegn

Svizra Dapli donaturs d’organs grazia a l'internet

L’organisaziun Swisstransplant ha lantschà in register svizzer per donaturs d’organs.

Legenda: Tadlar il audio Saira: Plattafurma online per donaturs d'organs. Durada 02:57 minutas.
02:57 min, Actualitad dals 01.10.2018.

Sin la pagina internet www.organspenderegister.ch, il link avra en ina nova fanestra pon ins inditgar, sch’ins è pront da donar ses organs sch’ins mora. Persunas dal fatg pon contactar Swisstransplant e dumandar, sch’il pazient è registrà. Quai dentant mo, sche la situaziun dal pazient è senza speranza e sch’ins ha decidì da terminar la terapia.

Grazia al register online hajan ils confamigliars la segirtad da decider en il senn dal defunct, di Swisstransplant. Actualmain dovran donaturs d’organs ina carta d’attest da donatur d’organs. Quella n'è savens dentant betg en la bursa dal pazient ed uschia n’èsi savens betg enconuschent, sche la donaziun d’organs è giavischada.

RR actualitad 17:00