Dapli dunnas en cussegls d’administraziun

  • Mardi, 21.4.2015, 14:48

L’Uniun svizra dals patruns ha publitgà ina glista cun nums da 400 dunnas che fissan ablas da surpigliar in post en in cussegl d’administraziun. La glista saja vegnida messa ensemen en collavuraziun cun plirs partenaris era ord la schientscha scriva l’Uniun svizra dals patruns.

Ina gasetta, in culli, palpiri ed in telefon sin in pult da biro. Bild in Lightbox öffnen.

Legenda da maletgs: L’Uniun svizra dals patruns vul dapli dunnas en ils cussegls d’administraziun. Keystone

Cun questa glista vul l’Uniun svizra dals patruns contribuir ch’i dettia dapli dunnas en cussegls d’administraziun. En in studi da l’onn 2013 avevan 80% da las interpresas dumandadas inditgà da vulair augmentar il dumber da dunnas en lur cussegls d’administraziun.

RR novitads 15.00