Siglir tar il cuntegn
cuntegn

Svizra Dapli en bursa, ma betg dapli per viver

Bain èn las pajas en Svizra creschidas il cumenzament da quest onn. Pervi da la chareschia pudessan resultar per il 2018 tuttina pajas realas pli bassas che quellas da l'onn avant.

Bursa cun daners.
Legenda: Dapli paja, ma damain en la bursa. Keystone

En Svizra èn las pajas s’augmentadas nominalmain l’onn current. Ils partenaris socials dals contracts collectivs da lavur ils pli impurtants sajan sa cunvegnids ad in augment da paja effectiv da 0,9%. Las pajas minimalas sajan s’augmentadas per 0,5%. Dals auzaments da paja effectivs eran 0,3% vegnids fixads per auzaments generals e 0,6% per individuals. Quai ha communitgà l’Uffizi federal da statistica.

Per il 2018 vegn dentant quintà cun ina chareschia dad 1,0% e sch’ins resguarda questa prognosa, pudessan las pajas realas fin la fin da l'onn sa reducir per 0,1%.

RR novitads 12:00