Svizra - Dapli energia solara grazia a la bella stad
La stad plain sulegl ha consequenzas positivas sin la producziun da forza electrica solara. Tenor Swisssolar hajan ils implants da fotovoltaica producì il fanadur 13% dapli che la media dals onns 1996 fin 2015.
Las ovras solaras han producì il fanadur electricitad per passa 1 milliun chasas. La producziun da record saja capitada il dretg mument, perquai ch'ins haja duvrà dapli electricitad per climatisaziuns e perquai che las ovras da flums hajan producì damain pervi da la pauc'aua.
