Legenda:
Ils exports èn s'augmentads il fanadur.
Keystone
cuntegn
Svizra - Dapli exports il fanadur
En Svizra noda il commerzi cun l'exteriur il fanadur in augment en cumparegliaziun cun il zercladur. Ils exports èn augmentads per 7,9%. Ils imports èn s’augmentads per 11,8% communitgescha l’administraziun federala da duana.
Sco motiv principal per quest svilup inditgeschan las autoritads federalas da duana il commerzi cun products chemics-farmaceutics. Qua èn ils exports creschids en cumparegliaziun cun l’onn avant per 10,7%.
Era ils exports da bischutaria e juvels è creschi en cumparegliaziun cun il fanadur 2015 per 36,9%. Fastidis fan ils exports d’uras. Il fanadur èn quels sa sminuids per 5,9% en cumparegliaziun cun il fanadur 2015.
