Ils concurs en Svizra èn s’augmentads, quai per 5% en l’emprima mesadad da l’onn. Mo en il zercladur èn ils concurs creschids per 15% en cumparegliaziun cun l’onn avant. Quai mussan cifras da l’interpresa d’infurmaziuns economicas Bisnode D&B.
Per l’emprima mesadad da l’onn 2015 saja la situaziun tar tschertas branschas s’agravada drasticamain. En l’industria d’autos haja dà 81 concurs. Era biros d’architectura e servetschs informatics hanjan stuì serrar lur portas. Meglra saja la situaziun percunter per il commerzi da detagl, per la branscha da finanzas e per la hotellaria.
Ils blers concurs hai dà en chantuns da la Svizra dal nordvest ch’èn datiers dals cunfins.
