Siglir tar il cuntegn
Inhalt

Svizra Dapli fugitivs arrivan a Buchs

Il dumber dals fugitivs ch’arrivan cun il tren da l’Austria a Buchs crescha. La polizia chantunala, la guardia da cunfin e las autoritads sajan semtgadas e dad in stadi d’urgenza sajan ins lunsch davent, communitgescha la regenza dal chantun Son Gagl.

Requirents d'asil arrivan a Buchs.
Legenda: Ils ultims dis èn mintgamai arrivads fin 80 requirents d’asil a Buchs. Keystone

Ils ultims dis sajan mintgamai arrivads fin 80 requirents d’asil sur il cunfin da l’ost, hai num en ina resposta da la regenza sin ina interpellaziun urgenta ord dal Cussegl grond. Il chantun e las vischnancas possian dar sut tetg transitoricamain e tgirar a passa 50 fugitivs en alloschis d’urgenza.

Chantuns duain sa preparar sin dapli fugitivs

En vista al dumber da fugitivs che crescha ha il secretariat statal per migraziun appellà als chantuns da prender mesiras. Il cahntuns da cunfin Son Gagl è gia pli lunsch cun sias preparativas e pretenda che la Confederaziun resguardia sias obligaziuns.

Sco quai ch’il secretariat statal scriva, haja la Confederaziun augmentà la primavaira las capacitads da metter sut tetg requirents d’asil da 2400 sin 3100 plazs. Plinavant hajan ins recrutà ulteriurs translaturs.

RR novitads 12:00