Dapli gudogn ed in nov schef per la Swiss Re

Il concern da reassicuranza ha augmentà il 2015 ses gudogn per bun 1/3. Ultra da quai ha Swiss Re er elegì in nov schef da concern.

Logo da la Swiss Re Bild in Lightbox öffnen.

Legenda da maletgs: Il concern svizzer ha fatg l'onn passà in gudogn da 4,6 milliardas dollars. Reuters

Swiss Re ha fatg l'onn passà in gudogn da 4,6 milliardas dollars. Quai è in plus da 31% cumpareglià cun l'onn 2014, sco il concern da reassicuranza svizzer communitgescha.

Nov schef da concern

La segund gronda reassicuranza dal mund suenter la «Münchner Rück» ha ultra da quai dà enconuschent ina midada en la direcziun. A partir dal fanadur 2016 surpiglia Christian Mumenthaler il post dal schef da concern. El lavura dapi 17 onns per il concern. Michel Liès va en pensiun.

Dapli dividenda

Ils acziunaris duain survegnir ina dividenda da 4,60 francs per aczia. Quai è in auzament da 8,2%. Vitiers planisescha Swiss Re in ulteriur programm da fin ina milliarda francs per cumprar enavos aczias.

RR novitads 08:00