Siglir tar il cuntegn
Inhalt

Svizra Dapli gudogna en il terz quartal per la Credit Suisse

Tranter il zercladur ed il settember 2018 è il gudogn creschì sin 424 milliuns francs. Cumpareglià cun il medem temp da l'onn avant è quai prest il dubel, sco quai che la banca gronda svizra scriva.

Logo Credit Suisse.
Legenda: Cumpareglià cun il medem temp da l'onn avant ha la Credit Suisse dublegià il gudogn. Keystone

La banca gronda ha gudagnà marcant dapli, tar il gudogn net na cuntanscha ella dentant betg dal tut las spetgas dal martgà.

Il gudogn net munta a 424 milliuns francs, cumpareglià cun l'onn avant cun 244 milliuns francs. La rendita era dentant cun 4,89 milliuns in zichel pli bass che l'onn avant. Ils custs da fatschenta èn sa sminuidas per 8,5% sin 4,15 milliardas francs. Uschia dat la banca da mintga franc incassà ora bunamain 84 raps.

Il schef da concern, Tidjane Thiam, è cuntent cun il svilup tar la restructuraziun. I saja stà il pli grond gudogn en in terz quartal dapi l'onn 2014.

RR novitads 07:30