Siglir tar il cuntegn

Header

tartuffels en sin ina tschinta da transport en ina halla d'in manaschi d'elavuraziun e pachetadi
Legenda: Per garantir ch'igl haja avunda tartuffels sto la Svizra importar dapli. Keystone
cuntegn

Dapli imports Svizras e Svizzers paran d'avair gugent tartuffels

Il consum da tartuffels è s'augmentà, uschia che la Svizra sto importar dapli. Uschiglio na bastia betg.

Perquai ch'il consum da tartuffels è s'aumentà dapi che las ustarias èn serradas il december passà, sto la Svizra numnadamain importar dapli. Uschiglio na bastassi betg per cuvrir la dumonda. Tranter ils 15 da matg e la fin da zercladur èsi pussaivel d'importar 5'000 tonnas dapli tartuffels, stat scrit en il Fegl uffizial federal.

Quai sajan radund tschintg pertschient da l'entir quantum annual, ha ditg ina pledadra da l'Uffizi federal d'agricultura sin dumonda da l'agentura da novitads Keystone-SDA. Tals augments d'import dettia adina puspè. Uschia hajan donns da schelira sfurzà il 2017 d'importar dapli maila.

Tut il cuntrari sa preschentia la situaziun però tar ils tartuffels da pommes-frites. Perquai che la glieud na mangia actualmain strusch pli en las ustarias, saja il consum da quests tartuffels sa reducì fermamain.

RTR novitads 11:00

Artitgels legids il pli savens

Scrollar a sanestra Scrollar a dretga