Il 2017 han ils museums svizzers dumbrà in otgavel dapli visitaders ch'il 2015. En total han museums svizzers pudì vender 13,5 milliuns entradas, mussan las cifras da l'Uffizi federal da statistica.
L'interess è creschì tar tuts ils tips da museum, davent da l'art fin a la scienza natirala. Il dumber da visitaders è creschì en spezial en las citads. Ils museums pitschens e mesauns han registrà pli paucs visitaders. Plinavant croda en egl ch'il dumber da guidas è sa reduci per in sisavel.
1'111 museums
Avrir la boxSerrar la box
Musuems regiunals e locals furman la pli gronda gruppa dals 1'111 museums. Dus terzs dals museums han avert il 2017 almain ina exposiziun temporara e nov da diesch museums han mussà ina exposiziun permanenta. Tut ils museums ensemen cumpiglian passa 71 milliuns objects da collecziun. Il 2017 han ils museums organisà bunamain 100'000 guidas – 19'000 pli paucas che anc l'onn avant.
