Siglir tar il cuntegn

Header

cuntegn

Svizra Dapli lavur betg pajada che lavur pajada

9,2 milliardas uras betg pajadas han ils abitants e las abitantas da la Svizra prestà il 2016.

En Svizra èsi vegnì prestà l'onn passà dapli lavur betg pajada che lavur pajada. Tenor l'Uffizi federal per statistica hai dà paja per bunamain 8 milliardas uras da lavur. Senza paja han ils abitants da la Svizra percunter lavurà passa 9 milliardas uras. La valita da la lavur betg pajada vegn stimada sin 408 milliardas francs. Per la stimaziun da la valur da quellas uras, vegn cumpareglià quant ch'in tegnairchasa privat avess da pajar en media ad ina persuna engaschada per quellas prestaziuns.

Lavur en il tegnairchasa dovra las pli bleras uras

Las lavurs en il tegnairchasa fan cun 77% u 7,1 milliardas uras ora bun trais quarts da la lavur betg pajada. Per las lavurs da tgira d'uffants e creschids a chasa vegni quintà cun 1,5 milliardas uras. Quai correspunda a 16% da tut la lavur betg pajada. Per lavur voluntaria en uniuns, instituziuns ed organisaziuns vegn lavurà 660 milliuns uras, quai èn 7% da l'entir volumen.

RR novitads 11:00

Artitgels legids il pli savens