Siglir tar il cuntegn

Svizra Dapli lubientschas d'acquistar armas

Il pievel svizzer rearmescha. Las dumondas d'astgar cumprar armas èn s’augmentadas l’onn passà per 17% cumpareglià cun il 2014.

Persuna cun pistola.
Legenda: Dapli Svizzers cumpran armas. Keystone

Quai resulta dad ina retschertga da la gasetta “SonntagsBlick”. Il trend pudess cuntinuar l’onn current. Tenor la polizia è la raschun per quest trend la tema da terror che saja creschida.

Tenor la gasetta han las autoritads da Basilea-Champagna l’emprima mesadad da l’onn tschentà or bunamain 800 lubientschas d’acquistar armas – quai correspunda al dumber da l’entir onn 2012.

Quant bleras armas ch’i dat en las chasadas svizras n’è betg propi cler.
Pir dapi il december 2008 èn las armas suttamessas al duair d'annunzia en Svizra.

RR novitads 08:00