Dapli malsognas cronicas en Svizra

La sanadad da la populaziun svizra è en general buna. Tuttina stat il sistem da sanadad avant grondas sfidas per pudair sa preparar optimalmain sin il dumber creschent da persunas cun malsognas cronicas.

In labor. Bild in Lightbox öffnen.

Legenda da maletgs: Blers giuvenils e giuvens creschids pateschan da mals psychics. Keystone

Il rapport naziunal da la sanadad 2015 descriva tranter auter pussaivladads constructivas, sco per exempel promover l'agid a sasez da las persunas pertutgadas.

2,2 milliuns pateschan da malsognas cronicas

Actualmain èn 2,2 milliuns persunas en Svizra pertutgadas da malsognas cronicas sco cancer, diabetes, depressiuns u demenza. Tar las persunas sur 50 onns patescha mintga 5avla vid pli ch’ina malsogna cronica.

Surdiever da medicaments en la vegliadetgna

En la vegliadetgna datti plinavant in surdiever da medicaments che duessan vegnir duvrads a moda reservada. Bunamain mintga 8avla persuna sur 74 onns prenda quasi bunamain mintga di meds calmativs u da durmir.

RR novitads 10:00