Siglir tar il cuntegn
Inhalt

Svizra Dapli mesiras encunter terrorissem

Terroristas e terrorists duain pudair vegnir cumbattids meglier perquai vul il Cussegl federal adattar il dretg penal e ha oz deliberà il sboz da lescha.

Cun la nova lescha duain terroristas e terrorists pudair vegnir cumbattids meglier.
Legenda: Cun la nova lescha duain terroristas e terrorists pudair vegnir cumbattids meglier. Keystone

En il center stattan chastis per recrutar e scolar persunas per organisaziuns terroristicas, sco era viadis cun intents terroristics. Però era il finanziar organisaziuns terroristicas duai vegnir chastià. La lescha dad oz na definescha betg concret tals cas – perquai l’adattaziun.

Cun la revisiun da lescha vul il Cussegl federal er adattar ils chastis vertents cunter organisaziuns criminalas. Quels èn vegnids stgaffids ils onns 90 en spezial per cumbatter organisaziuns da mafia. Quels duain uss vegnir adattads per pudair cumbatter organisaziuns terroristicas. Il chasti maximal dess esser 20 empè dad oz 5 onns. Vitiers vul il Cussegl federal rinforzar la collavuraziun internaziunala per il cumbat cunter terrorissem.

La lescha ch'è stada en consultaziun è uss pronta per il parlament.

RR novitads 17:00