Dapli morts che prognostitgà - La surmortalitad en Svizra duai vegnir examinada

Pertge èn tantas persunas dapli mortas quest onn en Svizra che prognostitgà? E datti in connex cun la quota creschida da vaccinaziuns cunter covid-19? Cun questas dumondas duai ina cumissiun independenta ordaifer il parlament sa fatschentar. Quai pretenda ina petiziun che prest 10’000 persunas han suttascrit. Tenor l'Uffizi federal per statistica hai dà quest onn ina surmortalitad da record en Svizra. Dapi l'entschatta da l'onn enfin mez settember èn passa 3000 dapli persunas mortas che quai ch'ins aveva spetgà.