Almain 42 persunas èn mortas il 2018 tar accidents da lavur en l'agricultura. Quai è 19 dapli ch'il 2017, quai che munta in augment dad 80%. L'Uniun purila svizra è alarmada ed ha perquai installà ina gruppa da lavur che s'inscuntra il schaner, scriva il servetsch d'infurmaziun agricula LID. En discussiun èn surtut mesiras da prevenziun per sminuir il dumber d'accidents en l'agricultura. Per exempel da metter si la tschinta cun manischar in vehichel.
A la tschertga da las raschuns
Pertge ch'il dumber è creschì uschè fitg n'è betg cler. Ils experts dal post da cussegliaziun per prevegnir ad accidents en l'agricultura BUL analiseschan anc la situaziun. Cler è tenor il BUL ch passa la mesadad dals accidents cun morts èn capitads durant manischar cun maschinas e vehichels.
1000 morts aifer 22 onns
Dapi il 1996 èn radund 1000 persunas mortas tar in accident da lavur en l'agricultura. Ils responsabels quintan però ch'i saja dapli, perquai ch'i n'è betg obligatori d'annunziar ils accidents.
RR novitads 15:00