Enstagl da discutar a moda furiusa sur dals lufs, restar pli calm: quai giavischan ils chantuns muntagnards. Mo uschia saja da cuntanscher maioritads per midar leschas, argumentescha la Conferenza da las regenzas dals chantuns alpins.
Project duai gidar
Gidar duai er in project intern numnà «Svilup dals lufs, e conflicts cun ils interess da l'alpagi e da l'agricultura». Era sche l'ordinaziun da chatscha revidida ch'è ida en vigur ils 15 da fenadur 2021 dat dapli libertad d'agir, n'èn anc adina betg tut ils mancos eleminads. Questa situaziun na cuntenta betg e chaschuna per discussiuns e cuntraversas e quai blocchescha ina schliaziun. Experts externs ed independents duain collavurar tar quest project. Fin en in onn duain emprims resultats dal project esser sin maisa.