Era en il sectur d'industria datti cun in plus da 0,3% en quest quartal per l'emprima giada suenter dus onns dapli e betg main plazzas da lavur. En l'industria da construcziun sa mussa dentant anc adina nagina meglieraziun.
Surtut il Tessin profitescha
Er en cumparegliaziun cun il segund quartal dal 2017 han ins en il terz quartal stgaffì 0,3% dapli plazzas. D'in surpli da plazzas profiteschan tut las regiuns grondas e cunzunt il Tessin cun 0,2%.
Dapli fadias da chattar persunal adattà
Tenor l'uffizi federal per statistica datti quest'onn era 4000 plazzas libras dapli che l'onn passà. E 9,3% da las interpresas vulan engrondir il dumber da persunal. Dentant planiseschan 5% da las firmas ina reducziun da plazzas da lavur.
L'indicatur per las perspectivas d'occupaziun mussa levamain in plus. Dentant han cun 29,9% era dapli interpresas fadia da chattar persunal adattà.
RR novitads 12:00