Ils Svizers han dimena en media pudì cumprar in pau pli pauc cun lur paja. Quai mussan las novas cifras da l'Uffizi federal da statistica.
La paja reala è schon il segund onn en segua sa sbassà, scriva l'uffizi da statistica – l'onn 2017 per 0,1%. Dentant è era la paja s'augmentada en ils ultims tschintg onns en media per 0,6%.
Grondas differenzas en las branschas
En il sectur industria è la paja nominala s'augmentà per 0,3% l'onn 2018. Collavuraturs ils secturs chemia e farmazia han survegnì var 1,7% dapli raps, collavuraturs en l'industria da palpiri, laina e stampa però 0,4% pli pauca paja.
En il sectur finanzas, medias e telecommunicaziun sco era informatica èn s'augmentadas las pajas per var 1,5%. Ils collavuraturs en las suandantas spartas han stuì quintar cun 0,1% pli paca paja: Transport da pachets e servetschs scientifics, tecnologics e a professiun libra.
RR novitads 10:00
