Siglir tar il cuntegn

Header

Navigaziun

cuntegn

Svizra Dapli pernottaziuns per chamonas da CAS

Las chamonas dal Club alpin svizzer pon mirar enavos sin in fitg bun 2018. Tut en tut han las chamonas dumbrà 345'000 pernottaziuns, quai èn 13% dapli che l'onn avant.

La chamona da CAS Ela a Tavau.
Legenda: Era las chamonas da CAS Grischunas han attratg blers giasts durant l'onn passà. Keystone

L'onn 2018 è stà il terz meglier onn en l'istorgia da las 153 chamonas da CAS. A quai bun resultat han era las 30 chamonas sin las Alps Grischunas contribuì. Il 2018 han las chamonas beneventà 15% dapli osps che l'onn avant. Almain 60’000 pernottaziuns han ellas dumbrà durant la stad e passa 15’000 l’enviern. Las chamonas grischunas nodan uschia in plus sin l’entir onn.

Differenzas naziunalas

Ina differenza datti sin livel naziunal. L’enviern 2017/18 è stà plitost mediocher. Quai malgrà ch'i ha dà da blera naiv. L’aura dentant ha fatg in stritg atras il quint da las chamonas e quai cunzunt durant il temp da Pasca. La stad percunter è sin nivel naziunal stada fitg positiva, sulettamain il 2009 han dapli giasts visità las chamonas da CAS en Svizra.

RR novitads 18:00