Agir stoppian ins cunzunt en regiuns ruralas sco er tar il traffic dal temp liber. En regiuns ruralas stoppia la planisaziun dal traffic public vegnir coordinada e là dovria dapli colliaziuns. Tge che pertutga la mobilitad en il temp liber, stoppia er vegnir collavurà cun la branscha turistica, pretendan las associaziuns per il traffic public.
Differenzas dal temp e regiunalas
Fitg savens vegnan meds da traffic public duvrads en il triangul tranter Basilea, Berna e Turitg. Il Grischun, la Svizra centrala, il Vallais ed il Tessin han pli pauca glieud che fan diever dals meds publics. Raschun per questas differenzas n'èn betg be la topografia e la qualitad da la purschida. Ina rolla gioghian er la mentalitad e las preferientschas da la glieud.
Differenzas hai era dà tar il temp dal diever. Uschia midan bleras persunas che van a lavurar cun il traffic public sin l'auto cura ch'i va per il temp liber e las fins d'emna.
Mesiras per regiuns periferas
Las Associaziuns dal traffic pretendan sin fundament da quest studi che la cumpart da traffic public stoppia vegnir augmentà. I dovria sur tut ina pli gronda purschida ordaifer las aglomeraziuns.
RR novitads 11:00