Siglir tar il cuntegn
cuntegn

Svizra Dapli persunas laschan pajar ora la cassa da pensiun

Radund 33’000 persunas han survegni l’emprima renta da la segunda pitga il 2015, quai resulta da las cifras dal Uffizi federal da statistica. Prest 41’000 persunas han laschà pajar ora in chapital da vegliadetgna.

In um ed ina dunna giuven-vegl durant ina pausa da gieu.
Legenda: La differenza da rentas è gronda tranter um e dunna. Keystone

En Svizra èn las rentas pajadas en media ad in um tar 3’200 francs, quellas da las dunnas en media tar 1’800 francs.

La gronda differenza tar las rentas da la segunda pitga sa declera l'Uffizi da statistica cunzunt cun la lavur parziala da las dunnas e cun pausas da gudogn per sa deditgar a la famiglia.

Grondas differenzas datti era tar umens e dunnas ch'han laschà pajar ora in chapital da vegliadetgna. Umens han survegnì en media stgars 210’000 francs, dunnas radund 93'000 francs.

RR novitads 11:00