Siglir tar il cuntegn

Header

Navigaziun

cuntegn

Svizra Dapli plazzas vacantas la fin da quest onn

En Svizra è s'augmentà l'ultim quartal da l'onn il dumber da plazzas vacantas. Tenor il «Jobradar» publitgà da l'interpresa x28 SA hai dà l'ultim quartal 2018 bunamain 190'000 plazzas vacantas, quai èn 6,8% dapli che l'ultim quartal 2017.

Purtret d'ina tabla cun si plazzas scrittas ora.
Legenda: La fin da quest onn èn prest 7% dapli plazzas vacantas ch'il 2017. Keystone

Radund trais da tschintg plazzas vacantas vegnan scrittas or da servetschs da persunal, il rest sa chatta sin ils portals d'internet da las firmas. Tschertgà spezialmain en Svizra è persunal da tgira, avant electromontaders e sviluppaders da software. Las pli bleras plazzas vacantas datti en il chantun Berna.

x28 SA

Personen-Box aufklappenPersonen-Box zuklappen

Tenor atgnas indicaziuns rimna x28 SA las datas cun agi d'in uschenumnà «webspider» che tschertga tras tuttas paginas relevantas sin plazzas avertas e quai pliras giadas a di. Mintgamai ils 15 da favrer, da matg, d'avust e da november vegnan las datas analisadas e valitadas.

RR novitads 15:00