Siglir tar il cuntegn
Inhalt

Svizra Dapli premias ma damain gudogn per Swiss Re

La re-assicuranza Swiss Re ha gudagnà damain ils emprims sis mais da l'onn. Cumpareglià cun il medem temp da l'onn passà è quel sa reducì per 17% sin ina milliarda dollars.

Sedia da Swiss Re a Turitg.
Legenda: Las premias da Swiss Re èn creschidas per 1,5 milliardas sin 19,6 milliardas. Keystone

Swiss Re ha l'emprim mez onn incassà dapli premias, dentant fatg damain gudogn. Las premias èn creschidas da 18,1 milliardas sin 19,6 milliardas dollars. Il gudogn net è dentant sa reducì da 1,2 sin 1,0 milliarda dollars. La raschun saja ina midada tar la preschentaziun da la contabilitad en ils Stadis Unids da l'America, uschia Swiss Re la segund gronda re-assicuranza dal mund. Senza quella midada fiss il gudogn restà sin il nivel da l'onn passà.

Assicuranza da chaussas profitabel

Tar l'assicuranza da chaussas e assicuranza da responsabladad profitescha la Swiss Re da la mancanza da gronds donns e catastrofas da la natira. Il gudogn è s'augmentà per 38% sin 752 milliardas dollars.

RR novitads 09:00