Siglir tar il cuntegn

Header

In tren da rauba da la viafier.
Legenda: Il transport da rauba è era quest onn s'augmentà. Keystone
cuntegn

Svizra Dapli rauba vegn transportada sin binaris, ed anc dapli sin via

Il traffic da rauba sin rodaglias è danovamain s'augmentà il 2015. L'onn passà èn vegnidas transportadas 10,8 milliardas tonnas material cun la viafier. Quai è il pli aut dumber dapi l'onn da record 2008.

Tenor l'Uffizi federal da statistica è la prestaziun da transport s'augmentada per 0,72 milliardas tonnas netto per kilometer. Gia ils onns 2013 e 2014 è il traffic da rauba sin rodaglias creschì.

Transferiment da rauba da la via sin la viafier n'anc betg vesibel

Legenda:
La prestaziun dal traffic da vitgira 2005-2015 en milliardas tonnas per kilometer. Uffizi federal per statistica

La gronda part da la rauba transportada è tras il traffic da transit. Ils transports entaifer la Svizra èn sa pegiurads sin sut 3 milliardas tonnas per kilometer. Il 2014 è vegnì transportà sin sia 62% da la rauba, sin la viafier 38%. Per il 2015 na datti anc nagins cifras per il transport da rauba sin via.

Record d’accidents sin la rait da viafier svizra

L'onn passà hai dà sin la rait da viafier svizra en total 87 accidents. Quai tants sco anc mai. 21 persunas han pers la vita tar quests accidents, communitgescha l'Uffizi federal da statistica. Tar ils morts sa tracti dad 4 emploiads da la viafier e 17 terzas persunas. Sin via hai dà l'onn passà en total 17'700 accidents.

RR novitads 11:00

Artitgels legids il pli savens